CORTERIACUM

CORTERIACUM

urbs Belgii in Flandria ad Legiam fluv. vulgo Cortryck.

Inter insulas, Tornacum, Ypram, et Oudenardam, sub Nerviis et Tornacensibus, Caes. Ibi arcem exstruxit Phil. Audax, Galli victi, A. C. 1302. urbs direpta et exusta, A. C. 1382. reparata postmodum, mercimoniis florentissima. Guicc. Belg. Capta a Gallis, A. C. 1667. populi Corteriacenses. Baudrando et Hadriano Valesio Corteriacum, alias Cortoriacum, urbs vetus, nobilis et permunita Flandriae est, ad flum. Letiam, Turnacensis Dioeceseos, Legioni in Gallia olim militanti nomen dedit; Intra Gallias enim cum V. I. Magistro equitum Galliarum Cortoriacenses memorat Notit. Imper. Roman. ante annos 1250. cum arce. Hîc Nortmanni castrum ad hiermandum construxisse leguntur, A. C. 890. Gallis Coutray, German. Cortriick. Incolae Courtresiens. Distat 5. leuc. ab Insulis. Sub Gallis, ab A. C. 1667. Territorium habet satis amplum, et Gandavum versus extensum, vulgo le Courtresis. Huius urbis Custos i. e. Episcopus, Eligius dicitur, apud Audoenum, l. 7 de vita Eligii. In capitulis Caroli Calvi pagus Curtricisus, i. e. Cortriacensis a Flandria distinguitur, unde patet olim non tam amplos Flandriae fines fuisse. Vide praedictum Vales. Notit. Gall.